Trygg Jakola og Anna- Kaisa Räisanen i dyp konsentrasjon under innspillingen.

Trygg Jakola og Anna- Kaisa Räisanen i dyp konsentrasjon under innspillingen av lydkurset i kvensk. KUVA KAINUN INSTITUTTI

Ensimäinen osa kainun kielen äänikursista tuli netthiin 2. desemperikuuta. Parin päivän jälkhiin tuli toinen osa, ja sitte kolmas ja niin eespäin.

– Laitama kaikki ylös ennen joului. Met saatama sannoot ette tämä oon meiđän joulukalenteri, Kainun institutin johtaaja Hilde Skanke sannoo.

Se oon ollu populääri: Kymmenessä päivässä se oli saanu yli 220 tykkääjää feisbuukissa.

Institutti työteli kursin kans kaksi vuotta. Teksti oon ollu valmhiina kauvoin. Tekstin kirjoitetthiin yhteistyössä Kainun institutti, Haltin kväänisentteri ja Omasvuonon kielikeskus.

Skanke praamaa eriliikaisesti Vookissa toimiivaa Kapan raatioo joka otti ylös äänet studiossa.

Kursin lukkiijoina oon institutin omat työntekkiijät Merethe Eidstö Kristiansen ja Anna-Kaisa Räisänen sekä kylästelevinnä tähtiinä Trygg Jakola Vesisaaresta, Birgit Lähdesmäki Johansen Vookista ja Irene Persen ja Arnfinn Aslaksen Lemmijovesta.

Puhheen lomassa oon musikkii: Pyssyjoven lasten laului ja lorrui vuona 1997 tulheelta ceedeeltä, Uuet laulut-prosjektista sekä erityisesti tätä kurssii varten pelattuu musikkii.

 

http://www.kvenskinstitutt.no/2015/12/kvensk-lydkurs/