Nikolai Äystö Lindholm (klarinetti, pesolauta, laulu) ja Øystein Fredriksen (kitara, kaksirivinen, laulu). Kuva: Liisa Koivulehto
Liisa Koivulehto
liisa@ruijan-kaiku.no
Tornionlaksolaisii muusikkeriita oon käyny Paaskiviikolla jo vuuesta 2015. Tämä oon sikkaristi ollu inspiraasuuni ja apu paikalisille muusikkeriile eriliikaisesti kväänin- ja suomenkielisten laulutekstiin kans.
Peter Vang pellaa urkuja.
Kristin Mellem (viulu, laulu).
Nyt raisilainen muusikkerijoukko Kristin Mellem, Öystein Fredriksen ja Peter Vang olthiin saanheet vierhaaksi Nikolai Äystö Lindholmin Jällivaarasta. Lindholm oon käyny Paaskiviikola ennenki Daniel Wikslundin kans.
Joukko oli ottanu nimen Vårleik. Het kohatelthiin maanantaina ja jo tiistaina heilä oli ensimäinen konsertti Yykeässä ja seuraavana päivänä Kieruassa.
Konsertin teema oli rakhaus. Publikummi sai kuula kvääniklassikkoi uuesti arrangeerattuna, hengelistä musikkii, Kristin Mellemin ja Öystein Fredriksenin komponeeraamaa musiikkii, suomalaisia klassikkoi sekä raisilaista pelimannimusikkii.
Pyhänä Vårleik pelasi vielä Raisissa yhessä Wikslundin bändin kans.
