Illustrasjonsbilde, Landsbyspel i Nordreisa. Foto: Lill Vivian Hansen
– Kväänimiljöössä työtelhään ahkerasti sen etheen ette säilytethään ja lujitethaan kväänin kielen. Sen tähen mie olen iloinen ette met saatama anttaat kuurttoo osale näistä toimista. Tämä kans kuoraa sitä kväänin kielen moolisuuntaista plaanaa jonka rejeerinki laittoi aijemin tänä vuona, sannoo Komunaali- ja uuistusdepartementin staatinsekretääri Anne Karin Olli.
Kväänin kielen ja kulttuurin kuurtopostista annethaan yhtheensä 2,1 miljuunaa kruunuu erilaissii kväänin kielen ja kvääni-/norjansuomalaisen kulttuurin prosjektiita varten. Lisäksi Haltiin kväänisentteri, Omasvuonon kielikeskus ja kvääniaviisi Ruijan Kaiku saahaan postista toimikuurttoo yhtheensä 2,3 miljuunaa kruunuu.
– Ette kväänin kieli olis tulleevaisuuessa elläävä kieli, oon eriliikaisen tärkkee satsata lasten ja nuorten kielitoimhiin, sannoo Anne Karin Olli. – Lastentarhaat oon eriliikaisen tärkkee areena ko eistethään kieltä. Met tiiämä ette lapset kväänin kielipesissä oon alkanheet pitämhään kieltä aktiivisesti, ja vanhiimet kans opithaan kväänii yhessä lasten kans.
Kainun institutti oon laittamassa oppimateriaalii kväänin kielipessii varten lastentarhoissa, ja saapi kuurto-oorningista 800 000 kruunuu tähän työhön.
Haltiin kväänisentteri saapi 300 000 kruunuu omhaan prosjekthiin Kieliaalto – kvensk språkbølge. Prosjektissa oon erilaissii toimii lapsii ja nuorii varten, muun myötä tehhään kvääninkielissii musikkivideoita ja teatteritekstii, ja järjestethään kväänin kielikurssii.
Lisäksi annethaan kuurttoo kvääninkielisille lastenkirjoile, filmi- ja teatteriprosjektiile ja muile prosjektiile.
Katto tästä kuinka kväänin kieltä ja kulttuurii oon kuurottu
| Mottaker | Prosjekt | Beløp |
| Halti kvenkultursenter | Driftsstøtte | 750 000 |
| Storfjord språksenter | Driftsstøtte | 750 000 |
| Ruijan Kaiku (kvensk avis) | Driftsstøtte | 800 000 |
| Halti kvenkultursenter | Kielaalto – kvensk språkbølge | 300 000 |
| Porsanger kirkekontor | Lettleste bøker på kvensk | 50 000 |
| Alta kvenforening | Vitalisering av kvensk språk og kultur i Alta | 30 000 |
| Norske Kveners Forbund | Barne- og ungdomsarbeid og språkprosjekter | 300 000 |
| Kvensk institutt | Læremidler for kvenske språkreir | 800 000 |
| Varanger museum | Konferanse: Ti år med Kvensk språkting | 60 000 |
| Siivet AS | Barnebok | 135 000 |
| Siivet AS | Filmopptak – kvenske historier | 100 000 |
| KultNett AS | Teaterforestillinger for barn | 37 000 |
| ITU Kvensk teatertrupp | Spel: Kyläpeli 2018 | 100 000 |
| Norske kvener, Lakselv | Revitalisering av språk og kultur | 30 000 |
| Finnmark fylkeskommune | Strategi for kvensk/norskfinske forhold i Finnmark | 100 000 |
| Finnmark fylkesbibliotek | Kvensk litteratur på litteraturfestival | 50 000 |
