Se oon soma, det er artig.
Arvauksii yksi:
Mikä oon vihrinen, istuu ojassa ja sannoo «Möö»?
Sammakko millä oon puhetvika.
Arvauksii kaksi:
Mikä oon keltainen ja pyörii?
Banaani pesomasiinissa.
Arvauksii kolme:
Mikä oon keltainen ja lämmin ja pyörii?
Banaani kuivaamistrommelissa.
Arvauksii nelje:
Mikä oon ruskee, karvainen ja yskii?
Kookosnötti millä oon yskä.
Arvauksii viisi:
Mikä oon vihrinen ja hengenvaaralinen?
Joukko villii agurkkii.
Arvauksii kuusi:
Mikä oon punainen ja pyöree ja sannoo «putt-putt»?
Tomaatti millä oon peräkonet.
Arvauksii seittemen:
Mikä oon sininen ja valkoinen ja hyppää puusta puuhun?
Orava millä oon fantomdrakti.
Arvauksii kahdeksen:
Mikä sannoo «kot-kot-kot-BANG»?
Kana miinakentässä.
Arvauksii yhdeksen:
Miksi sirkuksen kaksipäinen mies halusi lissää maksoo?
Hänelä oli yksi suu lissää mikä häytyi ruokkiit.
Arvauksii kymmenen:
Kunka klovnit panhaat vaatheet pääle pakkasessa?
Hopusti.
Arvauksii yksitoista:
Miksi trapeessiartisti ei halunu ottaat lapsia työpaikale?
Hän ei halunu ette lapset hengathaan hänen pörässä koko aijan.
Arvauksii kaksitoista:
Kenen hajethaan paikale ko sirkuksessa oon tulipalo?
Tulennielijän.
Arvauksii kolmetoista
Miksi Henrik Ibsenin hauđathiin Uslhuun?
Siksi ko hän oli kuolu.
Arvauksii neljetoista
Mikä saari oli mailman suurin ennenko Austraalian löyđethiin?
Austraalia.
Arvauksii viistoista
Minkä passin kans sie saatat reissata joka paikassa ilman ette sie häyđyt näyttäät sitä misshään?
Kompassin.
Hajettu kirjasta Jørn Roeim.
Barnas store gåtebok (1998)
