Ha-ha-ha! Se oon soma. Den var artig.
Vitsi yksi:
Mikko söi koulussa karamellii vaikka oli tiima. Opettaaja moitti:
– Tuomoista mie en halluu.
– Et sie saakhaan! Mikko vastasi.
Vitsi kaksi:
Koulussa oon matematiikan tiima.
Opettaaja: – Ko kaksi plus kaksi oon nelje ja nelje plus nelje oon kahđeksan, niin kunka paljon oon kahđeksan plus kahđeksan? Pekka?
Pekka: – No nyt sie tehet sen taas. Ensin sie kysyt helppoi kysymyksii ja vastaat itte. Mutta mie saan aina kaikkiin vaikkeimat kysymykset!
Vitsi kolme:
Mies tankkasi biilhiin bensiinii. Hänelä oli kans nälkä. Hän meni sisäle bensiinipuothiin ja tilasi makkaraa.
Kassavaimo kysyi:
– Grillimakkaraa eli pekonimakkaraa?
– Grillimakkaraa, mies vastasi.
– Se oon loppu, kassavaimo sanoi.
Vitsi nelje:
Kalle tuli koulusta ennemin ko tavalisesti.
– Miksi sie tulet etuaijassa? äiti ihmettellee.
– Opettaaja kysyi jotaki mihin tyhä mie saatoin vastata. Mie vastasin oikhein ja siksi mie sain lähteet pois koulusta.
Äiti tunttee kunka ylppee hän oon pojasta joka ei aina ole ollu niin seppä koulussa.
– Mitä opettaaja kysyi?
– Kuka oon rikkonu tämän ikkunaklasin?
Vitsi viisi:
Koulussa oli kväänin kielen tiima. Opettaaja sannoo Heidile:
– Muistelepa minule kaksi pronomiinii.
Heidi ei ole kuunelu oikhein hyvin.
– Kuka? Mie? hän ihmettellee.
– Joo, aivan oikhein, opettaaja praamaa.
Vitsi kuusi:
Anna ja isä oon kotona.
– Isä, met olema kirjoittanheet koulussa muisteluksen siitä mitä työtä meän vanhiimet tekkeevät.
– Jaa… kunka se meni?
– Nyt opettaaja oon meiđän ovela kahđen pulettian kans.
