Se oon soma, det er artig.
Vitsii yksi:
Oppilhaila oon ensimäinen uimatiima koulussa. Opettaja kattelee ko lapset leikithään veđessä. Hän hoksaa sitte Maijan.
– Siehän saatat jo uiđa! Missä sie olet oppinu sen?
Maija:
– Veđessä.
Vitsii kaksi:
– Onnee sinule! Sinusta oon tullu isä! Mie kuulin ette tet ostitta kans uuđen biilin… ja niin, ja mikäs teile sitte tuli?
– Stasuunivaunu tietenki!
Vitsii kolme:
– Liisa, sie häyđyt olla varovainen sinun uussiin kamppheitten kans. Sie saat käyttäät niitä tyhä ko sie menet kylästelemhään.
– Mutta äiti, mitä mie sitte käytän ko mie tulen kothiin?
Vitsii nelje:
– Miksi naapuri huuttaa niin kauhheesti?
– Hän puhhuu itteksensä.
– Mutta oonko se tarpheelista huuttaat niin kovvaa?
– Hänelä oon huono kuulo.
Vitsii viisi:
Ko äiti tuli köökhiin hän näki ette Iivari oli justhiinsa pistäny sormen marmelaatipurkkhiin ja aikoi syöđä sitä.
– Iivari, tuosta mie en kyllä yhthään tykkää, äiti torui.
– Mutta mie tykkään siitä hirmuisen paljon, Iivari sanoi.
Vitsii kuusi:
– Hyvvää aamuu! Nukuitko sie hyvin?
– Mie en tohi sannoo ko mie nukuin koko aijan.
Vitsii seittemen:
– Äiti, äiti! Pikkuveli matkii linttui!
– Hän oon seppä! Mitä hän tekkee?
– Hän syö mattoi.
Vitsii kahdeksen:
– Mikä oon yhtä iso ko dinosaurus, mutta ei paina mithään?
– ???
– Dinosauruksen kalvet.
Vitsii yhdeksen:
– Minun isä oon mailman paras dinosaurusjääkäri!
– Pumpulipuhetta! Eihään dinosauruksii ole olemassa!
– Siinä sie sen näjet.
Vitsii kymmenen:
– Kunka kauvan hevonen nukkuu?
– Siihen saakka ko se herrää.
