See oon soma. Ha-ha-ha! Den var artig.
Monta kerttaa se oon niin ette vitsi oon itte kielessä, esimerkiksi vitsi tullee siitä ko samala sanala oon monta sisälystä, eli sama sana tarkoittaa eri assiita niinko kuusi (numero) ja kuusi (puu). Sen tähđen kaikkii vitsii ei saata muistela toisela kielelä. Tämän vitsin saattaa muistela ruijaksi ja kainuksi ja engelskaksi, mutta ei esimerkiksi suomeksi:
Vitsi yksi
Pappi: – Se oon kumma ko yksikhään ihminen ei ole tullu kirkkhoon, ei urunsoittaajakhaan! Ja kohta jumalanpalvelus alkkaa. Kuka se nyt pellaa?
Lukkari: – TIL ja Rosenborg!
Vitsi kaksi
Tämä vitsi oon vähän hauskempi jos sie ymmärrät ruijaa.
– Mikä sinun nimi oon?
Hans: – Sama ko kuninkhaala.
– Mutta eihään kuninkhaan nimi ole Hans?
– Joo, hänen nimi oon Hans Majestet.
Vitsi kolme
– Kylläpä sinula oon kuivat vitsit!
– Joo, mie olen ollu Saharassa.
Vitsi nejlje
– Mie olen saanu uuđen kuuloapparaatin ja se oon niin hyvä ette mie saatan kuulla vaikka ko heinä kassuu!
– Kunka paljon se maksoi?
– Varttii vaile kolme.
Vitsi viisi
Tämä oon klassikko:
Lada ajoi aasin sivvu. Aasi sanoi sille:
– Hyvvää päivää, auto.
Lada vastasi siiheen: – Hyvvää päivää, aasi.
Silloin aasi potkaisi Ladaa ja sanoi:
– Ko mie olen siivo ja käsken sinnuu autoksi, sie kyllä saatat olla kans hööli ja käskeet minnuu hevoseksi.
Vitsi kuusi
Lapsi: – Isä, saanko tulla sinun sylhiin?
Isä: – Tietenki saat mutta miksi sie et halluu istuut penkile minun vierheen?
Lapsi: – Siksi ko maalinki oon vielä märkä.
