Vitsi yksi
– Miksi sie naurat itteksesi?
– Mie kerroin ittele vitsin mitä mie en ollu kuulu ennen.
Vitsi kaksi
– Minun emäntä tyhä matkii ja matkii. Nyt hän oon matkinu yhtä sammaa jo monta kuukautta.
– Mitä hän nyt matkii?
– Ette mie häytyisin kanttaat joulupuun ulos.
Vitsi kolme
Opettaaja: – Tääpänä puhuma yhđyssanoista. Net oon semmoiset sanat mikkä oon pantu kokhoon kahđesta sanasta.
Pekka: – Jalkapallo.
Ole: – Villatröijy.
Kaisa: – Dressi.
Opettaaja: – Sehän oon tyhä yksi sana.
Kaisa: – Ei, ko siinä oon housut ja takki.
Vitsi nejlje
– Mie näjin viisi ihmistä saman paraplyyjin alla, eikä kukhaan heistä kastunu.
– Se häytyi olla iso paraplyyji.
– Ei, paraplyyji oli pieni. Mutta se oli poutailma.
Vitsi viisi
– Äiti katto, mie olen oppinu kirjoittamhaan.
– Näytäpä minule! Mitä sie ole kirjoittannu?
– Mie en tiijä, ko mie en ole oppinu vielä lukemhaan.
Vitsi kuusi
Pekka oli saanu jouluskenkiksi tromman. Kolmantena päivänä Pekan äiti ja isä praatithiin.
– Mie luulen ette meiđän naapuri ei tykkää trommasta.
– Kunka sie niin luulet?
– No hän kävi täälä ja antoi Pekale veitten ja kysyi ette tiettääkö hän mitä tromman sisälä oon.
Vitsi seittemän
– Isä, missä oon Nepal?
– Kysy äitiltä. Hän siivoo.
Vitsi kahdeksen
– Isä, se oon totta mitä reklaami sannoo tästä sinun uuđesta kellosta. Se oon vesitivis. Mie täytin sen veđelä ja nyt siitä ei tule ulos yhthään droppii.
