Vitsi yksi
– Mikä oli sinun paras jouluskenkki?– Munniharppu!– Oletko sie oppinu pellaamhaan?– En ole kerinny vielä oppimhaan. Mutta se oon hyvä skenkki! Minun äiji anttaa minule joka viikko kymmenen kruunuu ette mie en pellais sitä.
Visti kaksi
– Oletko sie nähny Andrea Bocellin uusiman musikkiviideon?
– En ole.
– No ei ole hänkhään.
Vitsi kolme
– Hevosella oon kengät. Mitä dromedaarila oon?
– Sandaalit.
Vitsi nejlje
Se oli geografiitiima ja aiheena oli Tanmarkku. Kuvissa näkyi lehmii ja maatalo. Talon katola oli haikara. Pellot olthiin isot ja tasaiset. Pekka protesteerasi:
– Opettaaja, tuo oon yksi valet!
– Mitä sie meinaat?
– Met emmä usko haikarhaan.
Vitsi viisi
Koulussa oli matematikkitiima. Opettaja kirjoitti taulule: 2-2.
– Mitä tämä meinaa?
– Tasapeli!
Vitsi kuusi
– Saatatko sie muistella minkänäköinen mies löi sinnuu?
– Kyllä mie saatan, ja justhiinsa siksi hän minnuu löiki.
Vitsi seittemän
Tuomari: – Tunnustatko sie siis ette sie varastit?
Puhuteltu: – Ei, herra tuomari.
Tuomari: – Mutta sie olet varastanu ennenki, eikö niin?
Puhuteltu: – Ei, ko tämä oli ensimäinen kerta.
Tuomari: – Etkö sie nähny ette se ei ollu sinun rahapussi?
Puhuteltu: – Kyllä, herra tuomari, mutta net rahat olthiin aivan samannäköiset ko minun rahapussissa.
