See oon soma. Ha-ha-ha! Den var artig.
Vitsi yksi
Miksi siraffila oon niin pitkä kaula? Ette se ulettuis päähään saakka.
Vitsi kaksi
Mies tuli työnanttaajan tykö ja pyysi palkankoroituksen. – Oo? Sie häyđyt anttaat minule kunnon selvityksen ja syyn tähään. Mies sanoi:
– No, kolme issoo firmaa haluthaan minut.
– Niinkö se oon? työnanttaaja kysyi vähän eppäilevästi. – Ja mikkä net firmat oon?
– Telelaitos, voimalaitos ja verolaitos.
Vitsi kolme
Servitööri muistelee kunterille:
– Mitä tet halluisitte? Piian mie saattaisin serveerata teile ensimäiseksi meiđän aivan ihanii sardiinii. Meilä oon tääpänä sekä ruijalaisii ette portugalilaissii sardiinii. Kumpi se olis mielhuisampi?
Kunteri:
– Mie otan mielelä sardiinii. Mutta se ei ole niin nuuka oonko net ruijalaiset eli portugalilaiset, mie en aijo praatiit niitten kans.
Vitsi nejlje
Lintu nälkyi talvela. Mutta sitte se alkoi syömhään lunta ko se oli kuulu ette siitä saa mattoi vathaan.
Vitsi viisi
Kalle tuli kothiin koulusta.
– Oliko sinula hauska päivä koulussa? äiti kysyi.
– Joo! Mie saatoin vastata yhtheen kysymyksheen mihiin kukhaan muu ei saattanu vastata! Kalle praamasi.
– Sehän oli fiini homma! Mikä se kysymys oli?
– Opettaja kysyi ette kuka se oon rikkonu ikkunaklasin.
Vitsi kuusi
– Kattopa minun lihaksii! Näilä mie saatan topata vaikka junan!
– Nyt sie tyhä valettelet!
– En mie valettele. Mie olen lokomotiivinajaja.
Vitsi seittemän
Kaksi kannibaalii praatithiin:
– Mie en tykkää naapurista.
Toinen vastaa:
– Syö kuitenki potut.
