See oon soma. Ha-ha-ha! Den var artig.
Vitsi yksi
Mie olen saanu uuđen kuuloapparaatin. Se oon hirmuisen hyvä! Mie kuulen ko ruuhoki kassuu.
– Sehän oon fiini homma! Kunka paljon se maksoi?
– Varttii vaile viisi.
Vitsi kaksi
Ruottalainen, tanmarkkulainen ja ruijalainen istuthiin kafeeassa ja juohtiin pryyssii. Jeesus tuli sitte siiheen. Het kysythiin häneltä ette oliko tämä tođelisesti Jeesus.
– Joo, mie olen.
Het ostethiin sitte pryyssin Jeesukselleki. Ko kaikki oli juonheet pryyssin, Jeesus sanoi ette hän saattaa tehđä jotaki kiitokseksi. Hän kysyin tanmarkkulaiselta:
– Oonko sinula joku paikka kippee?
Tanmarkkulainen sanoi ette jalat oon kippeet. Jeesus paransi tanmarkkulaisen jalat, ja tämä lähti juoksemhaan ja hyppeli ympäri. Ruottalainen sanoi:
– Minun sölkä oon kippee. Jeesus paransi senki, ja ruottalainen lähti kävelemhään hirmuisen onnellisena. Jeesus kääntyi sitte ruijalaisheen päin mutta ruijalainen alkoi parkkuumhaan:
– Ei, pysy kaukana minusta, minula oon trygdi!
Vitsi kolme
Olekko sie kuulu bensiinitankista joka tuli kymmenen vuotta täytheen?
Vitsi nejlje
Aatamila oli vaikkeeta matematiikan kans. Kerran hän räknäsi yhtä vaikkeeta räkninkikappaletta. Opettaja tuli ja kattoi hänen olkapään yli ja sanoi:
– Sie sait 116 kruunuu liikkaa. Mitäs sie nyt tehet?
Aatami huokaisi ja sanoi:
– Mie en tieđä. Piian lähätämmä net Pelastakkaa Lapsile?
