See oon soma. Ha-ha-ha! Den var artig.
Vitsii yksi
Opettaaja puhhuu oppilhaile:
– Tämä klassi oon niin huono matematiikassa ette mie luulen ette mie häyđyn stryykätä teistä 60 prosenttii.
– Höh! Ei se onnistu ko eihän meitä ole niin paljon.
Vitsii kaksi
Peret oon murkinalla. Kahđeksanvuotinen Pekka kyssyy:
– Isä, maistuuko toukka hyvältä?
Isä ei tykkää tämmöisestä aiheesta ruokapöyđässä.
– Pekka, etkö sie muista ette met olema sopinheet ette emmä puhu vistoista assiista ko olema murkinalla?
Kaikki olhaan vähän aikkaa vaiti ja sitte äiti kyssyy:
– Kunka sie sitä nyt kysyt? – Ko mie näjin toukan isän salaatissa mutta en mie näje sitä ennää…
Vitsii kolme
– Miksi sie herätit minun?
– Koska sie unheetit ottaat sinun nukkumapilllerin.
Vitsii nelje
Mies meni filmituphaan, osti piletin kassasta ja meni sisäle. Hän tuli kuitenki heti takaisin ja osti toisen piletin. Hän meni sisäle mutta tuli heti takaisin ja osti kolmanen piletin. Ko hän tuli ulos vielä uuđen kerran ja halus ostaat neljenen piletin, piletin myyjä häytyi kyssyyt:
– Antheeksi ette mie kysyn mutta miksi sie tulet koko aijan takaisin ja ostat joka kerran uuđen piletin?
– No ko mie halluun mennä sisäle mutta siinä ovela oon yksi mies joka reppii minun piletin.
Vitsii viisi
Kalle ja Hans olthiin reissussa etelässä. Keskelä yötä ko het olthiin nukkumassa heän hotelihuonheeseen tuli varkhaita. Varas huusi:
– Hands up!
Kalle heräsi siihen ja sanoi Hansile:
– Sie häyđyt nousta ylös.
