See oon soma. Ha-ha-ha! Den var artig.
Vitsi yksi
Pieni poika istui penkilä isossa kauppasentterissä ja parkui.
– Äitii! Missä sie olet?Siiheen tuli yksi siivo daami.
– No no, poika, älä huoli, mie hajen sinun äitin. Katto, tässä oon sinule iisii, istu siinä ja ođota, mie tulen heti. Se meni vähän aikkaa ja sitte se daami tuli takaisin.
– Mie löysin sinun äitin, hän oon frisöörissä.
– Kyllä mie sen tieđän, tämä oon minun kolmas iiskreemi!
Vitsi kaksi
Äiti: – Sie et saa tulla sisäle likaisten jalkojen kans!
Lapsi: – Minun jalat oon puhthaat! Net oon saapphaat mikkä oon likaiset.
Optimistit av Wilfred Hildonen
Vitsi kolme
Äiti antoi Pekale kaksi äpylii ja pyysi ette hän jakkaa net sisaren kans. Toinen äpyli oli iso ja toinen oli pieni. Pekka antoi sisarelle pienen äpylin ja alkoi itte syömhään issoo äpylii.
– Tuo ei ole oikkein! sisar sanoi. – Jos mie häytyisin jakkaat kaksi äpylii sinun kans, mie antaisin sinule isoman ja itte ottaisin sen pienemän.
– No sittehän sie olet saanut justhiinsa niin, Pekka sanoi.
Vitsi nejlje
– Mistä sie olet saanut tuon mustelman?
– Mie en saanu sitä ilman, mie häyđyin ensin tapela.
Vitsi viisi
– Äiti, pappi sannoo ette ihmiset oon tehty tomusta.
– Niin se oon.
– No sie häyđyt tulla hopusti kattomhaan minun sängyn alle, ko sielä oon kohta yksi ihminen.
Vitsi kuusi
Psykiaatteri oli saanu uuden pasientin joka meinasi ette hän oon itte Jumala. Psykiaatteri sanoi:
– Tämä oon ensimäinen kerta ko tet oletta täälä minun tykönä, ja sillä mie pyyđän ette tet aloitatta aivan alusta.
– Tietenki, tohtori, pasientti vastasi.
– Alussa mie siis loin taivhaan ja maan…
