Näyttelyn aukaisthaan Arktikumissa tuorestaina 24. aprillikuuta ja se oon sielä kuukauen aijan, 27. maikuuta saakka.
Kven Connection –näyttelyssä tutkithaan ja näytethään kveenikulttuurii konstin avula. Näyttelyssä oon suomalaisten ja ruijalaisten kunstnäriitten töitä. Konstnäärit asuthiin viimi vuona vuorotellen residenssissä Vesisaaressa ja tehthiin työtä. Ideean ja perustan töihiin konstnäärit olthin hakenheet kveenikulttuurista.
Kven Connection -näyttelyn aiheet oon kieli, rajat ja muuttaminen. Näistä vinkkeliistä konstnäärit oon tutkinheet tämän päivän kainulaisten kulttuurista identiteettii.
Näyttely oli Vesisaaressa oktooperikuussa 2017 ja nyt se oon tullut Rovaniemen Arktikumhiin.
Näyttelyn kuraattori oon Anastasia Patsey Pietarista. Yhtheistyökumppanit oon Varanger museum – Ruija kvenmuseum, Vesisaaren konstiyhistys Kunstforening, Lapin maakuntamuseuumi, Lapin esittävien taiteiden keskus ja TAIKE.
