FLERSPRÅKLIGE ORD FOR DAGEN: Forfatterne Maria Öman og Bengt Pohjanen på markedsscenen i Övertorneå. Öman snakker, og Pohjanen tolker til meänkieli. (Kuva: William Eriksen)
Ruottissa oli viimi vuona lasten ja nuorten diktikilppailu mihiin tuli 54 diktii meänkielelä.
Aili Eriksen
redaksjonen@ruijan-kaiku.no
– Met jouđuima siihen positiivisheen dilemmhaan, ette tuli näin paljon diktii. Emmä olis unistelheetkhaan tästä, sannoo Norrbottenforfattare.se-nettisivun redaktööri Maria Öman.
Järjestäjät olthiin Regionbibliotek Norrbotten ja Resurscentrum för litteratur. Lapset saathiin itte valita jos het lähetetään diktin tekstinä eli äänifiilinä. Se saattoi filmataki ko joku luki diktin äänheen.
Ensimäinen palkinto oli iPad ja kirjoi, ja toinen ja kolmas oli kirjoi ruottiiksi ja meänkieleksi.
Vanhiimet saathiin auttaat
Nuoriin kirjoittaaja oli nelje vuotta ja vanhiin 17-18. Ikäraja oli niin, ette vain alle 18-vuotiset lapset ja nuoret saathiin olla myötä. Vanhiimet ja isovanhiimet saatethiin auttaa, jos tuli vaikeuksii kirjoittaa meänkielelä.
– Met näjimä tämän eri generasuuniitten yhteistyötä tyhä hyvänä assiina, sannoo Öman. Juryna oli Mona Mörtlund.
Kolme voittajadiktii oon präntätty netissä (Bibblo.se ja Polarbibblo.se) ja kaikki diktit oon präntätty Meänmaan lehessä.
Luje voittaajadiktit täältä:
Vinnarna av dikttevling på meänkieli
