Doktorstudent i fysikk Endre Dahlsveen har bygd en planeterrella, et slags nordlys i boks. Kanskje får han nordlyset til å danse også inne i boksen. – Min hypotese er at jeg kan illustrere en fysisk effekt som kalles plasma drift, som er en del av hvorfor nordlys ser ut til å danse i himmelen. Det er noe jeg skal teste, sier han. (Kuva: Liisa Koivulehto)
Jos sie olet oikhein interesseerattu taivhaanvalkkeista, sie saatat freistata rakenttaat oman pienen taivhaanvalkkeelaitoksen tuphaan.
Liisa Koivulehto
liisa@ruijan-kaiku.no
Fysiikan tohtoristudentti Endre Dahlsveen oon kauvoin ollu tavalista enämen interesseerattu taivhaanvalkkeista. Nyt hän tutkii niitä Tromssan universiteetissä. Hän oon rakentannu bachelortyössä planeterrellan mikä oon modeli siitä kunka taivhaanvalkkeet synttyyvät ja kunka net leikkiivät taivhaala.
– Ko mie rakensin tätä, se oli ensimmäinen kerta minun elämässä ko minusta oli hauskaa olla suljettu pimmeesheen lomhaan, hän naureskellee.
Planeterrella
Planeterrella oon instrumentti jossa oon klasinen eli muovinen sylinteri jonka sisälä oon vaakkumi ja kaksi magneettikuulaa. Toinen simuleeraa Maata ja toinen aurinkoo. Niiten välile ohjathaan virttaa ja ko painet oon oikkee, met saatama nähhä miniatyyrikokoiset taivhaanvalkkeet jokka pallaavat aivan meän silmitten eessä.
Tämän värkin avula oon tutkittu magnetismii ja taivhaanvalkkeita, eriliikaisesti ennen aikhaan mutta vielä tääpänäki se oon konkreettinen keino tutkii kunka taivhaanvalkkeet muuttuuvat eri oloissa – ja eriliikaisesti se soppii siihen ko näytethään tätä fenomeenii publikummile. Dahlsveen rakensi planeterrellan Kristian Birkelandin modelin jälkhiin.
– Tämän avula saatama näyttäät monenlaissii effektii. Se soppii hyvin opetuksheen, Dahlsveen muistelee.
Ei aivan sama
Klasin sisälä taivhaanvalkkeet oon fioletit, ei vihriset eikä punaiset. Se oon siksi koska sielä ei ole sammaa kaasua ko mitä atmosfäärissä. Nämät miniatyyri-taivhaanvalkkeet ei kans tanssaa.
– Teoriissa se oon maholinen saaha taivhaanvalkkeet tanssaamhaan planeterrellassa! Ja minun hypoteesi oon ette mie saatan illustreerata fyysisen efektin minkä nimi oon plasma drift. Silloin se näyttää ette taivhaanvalkkeet tanssaavat. Mutta se oon vaikkeeta koska tämä oon hyvin sensitiivi laitos, Dahlsveen selittää.
Painet sylinterin sisälä oon hyvin pieni, sama ko 45.000-75.000 meetterin korkkeuessa.
Taivhaanvalkkeet kotona
Monet oon kysynheet Endre Dahlsveeniltä ette oonko se maholinen rakenttaat tämmöisen värkin kotona.
– Se ei ole vaikkee. Mutta minula ei ole ollu aikkaa kirjoittaat «respeptii» ja mie häyn kans testata sen ja siksi se oon jääny, hän sannoo.
Tarvekaluitten hankkiminen ei ole vaikkeeta. Näilä tarpheila sie rakenat mini-planeterrellan ilman magneetitta:
– Sie tarvittet ison klasin, alumiinifolioota, kymmiä eli plastikkii, kaksi isoleerattuu leetninkii ja kymmenkunta 12 voltin patterii mikkä saatehaan koblata sarjhaan. Ja sie tarvitten pölynimmiijän minkä avula sie imet ilman pois klasista ja sinne tullee vaakkumi, Endre Dahlsveen selvittää.
Nordlys i boks – hjemme
Mange har spurt fysikkstudenten om oppskrift for å bygge sin egen mini-planeterrella hjemme.
– Det er mulig å lage en miniversjon av en planeterrella av ting du har i huset. Du trenger et syltetøyglass, støvsuger for å lage vakum, gummi eller plast for å tette mellom støvsugerhodet og syltetøyglasset, aluminiumsfolie for å lage kulene, to isolerte ledninger og åtte, ti batterier med to uttak for seriekoblinger. Men jeg har ikke hatt tid til å lage oppskrifta, og jeg må jo teste det først, sier Dahlsveen.
