Tegning: Wilfred Hildonen
See oon soma. Ha-ha-ha! Den var artig.
Arvauksii
Mikä oon yhtä aikkaa korkkeela ilmassa ja alhaala maassa?
Puu.
Mikä kasvaa joka paikassa vaikka emmä koskhaan kylvä sitä?
Rikkaruuho.
Mitkä oon suurimat kolme syytä siihen ette tullee mettäpalo?
Miehet, vaimot ja lapset.
Missä kassuu mailman suurin puu?
Maassa.
Mitkä lehđet ei koskhaan puttoo maahan?
Kirjan lehđet.
Mikä oon vihristä ko se mennee sishään ja valkkeeta ko se tullee ulos?
Lehmä syö ruuhoo ja siitä tullee maittoo.
Minkä puun hetelmii met kaikki olema?
Sukupuun.
Missä kassuu kaikkiin vihriisin ruuho?
Aiđan toisela puolela.
Kunka kauvas sie saatat kulkkeet mettän sisäle?
Keskele. Sen jälkhiin sie alat kulkemhaan ulos mettästä.
Mikä oon liikkaa yhđele, tarpheeksi kahđele mutta ei mithään kolmele?
Salhaisuus.
Kos sie kiskot, siitä tullee keppi.
Kos sie työnät, siitä tullee teltta.
Satheenvarjo/paraplyyji.
Mikä kulkkee talon ympäri ilman liikkumatta?
Aita.
