Tegneserier og vitser • Kuvasarjoi ja vitsii

Tegning: Wilfred Hildonen

See oon soma. Ha-ha-ha! Den var artig.

Vitsii yksi

Kerran kaksi vaimoo praamaa kunka sepät tyttäret heilä oon. Yksi sanoo:
– Minun tytär oon niin seppä ette hän saattaa tavata oman nimen takaperin.
Toinen kyssyy: – Mikä hänen nimi sitten oon?
Yksi vasta: – Anna.

Vitsii kaksi

– Mie olisin halunu elläät kiviaikana.
– No miksi sie niin ajattelet?– Silloin ei häytyny opetella histooriaa.

Vitsii kolme

Vaimo tuli kothiin ja sanoi miehele:
– Kuulepas nyt minun rakas mies. Auto ei halluu startata mutta mie tieđän kyllä mikä probleemi oon.
– Jaa-ha, mies sanoi. – Ja mikä se probleema oikhein oon…?
– Forgasserissa oon vettä, vaimo vastasi paikala. Mies oli ihmeissä.
– Kunka sie saatat sen tiettää ko sie et tieđä eđes mikä ero oon forgasserissa ja ilmafiltterissä?
– Usko vaan minnuu, vaimo sanoi, – forgasserissa oon vettä.
– No hyvä oon, sovima niin. Mie katton sitä sitten. Missä auto oon?
– Se oon järvessä tuossa tien toisela puolela.

Vitsii nelje

Kaksi muffinsii oli uunissa. Yksi sannoo:
– Täälä oon hirmuisen kuuma.
Toinen sannoo:
– Kattopa. Puhhuuva muffinsi.

Vitsii viisi

Opettaaja: – Mikko, sano kaksi pronomiinii. Mikko:
– Kuka, mie?
Opettaaja: – Aivan oikhein.

Vitsii kuusi

– Kunka iso oon karhu?
– Minkälainen karhu?
– Iso karhu.
– Kunka iso?