Piirustus: Wilfred Hildonen
See oon soma. Ha-ha-ha! Den var artig.
Vitsii yksi
Kaksi hulluu kulki tielä. Yksi heistä näki tielä jotaki ruskeeta. Hän sanoi:
– Katto, sukulaattii.
– Ei se ole sukulaattii, sanoi toinen. Se oon paska.
– Ei, se oon sukulaattii.
– Se oon paska.
– Se oon sukulaattii!
– Haistamako? kysyi toinen.
– Joo, haistama.
Het kumaruthiin sen pääle ja haistethiin.
– Joo, se oon sukulaattii, yksi sanoi.
– Ei, se haisee paskalta, sanoi toinen.
– Maistamako?
– Joo. Het kumartuthiin sen pääle ja maistethiin.
– Äsj, se oon paskaa, yksi sanoi.
– No se oon hyvä ette emmä polkenheet sen pääle!
Vitsii kaksi
Kaksi keiturii oli öksyny kylätalole minkä ovi oli auki. Sielä oli äskön näytetty filmi. Yksi keituri löysi filmirullan ja alkoi pureskelemhaan sitä. Toinen katteli sitä ja kysyi:
– Kunka se maistuu?
– No jaa, mie meinaan ette kirja oli kyllä parempi.
Vitsii kolme
Mie olen oikheen ylppee. Mie sain puslespillin valmhiiksi tyhä kolmessa päivässä – vaikka loovassa lukkee ette kolme vuotta.
Vitsii nelje
– Kerkkeenkö mie busshiin kello viisi jos mie juoksen tämän kentän läpi?
– Jos härkä näkkee sinut, mie luulen ette sie kerkkeet neljen busshiin.
Vitsii viisi
Mies aukaissee oven. Ovela oon kauppias joka myy kosmetikkaa.
– Saanko puhhuut sinun vaimon kans?
– Hän ei ole kotona.Kauppias ei anna ylön.
– Mie saatan ođottaat.Mies päästää hänet sisäle köökhiin. Se mennee tiima ja toinenki tiima. Kosmetikkakauppias kyssyy:– Milloin sinun vaimo tullee kothiin?
– Mie en tiiä.
– Missä hän oon?
– Hän oon kirkkomaala.– Tiiätkö sie milloin hän tullee takaisin?
– Sitä mie en saata sannoot. Hän kuoli kymmenen vuotta aikkaa.
