Piirustus: Wilfred Hildonen
See oon soma. Ha-ha-ha! Den var artig.
Vitsii yksi
Koulussa oon engelskan tiima. Kaisa kyssyy opettajalta:
– Miksi met häyđymä oppiit engelskaa?
Opettaaja: – No ajattelepa, Kaisa. Puoli mailmaa puhhuu engelskaa.
Kaisa: – No eikö se ole nokko?
Vitsii kaksi
Matkustaaja kyssyy bussin ajajalta:
– Antheeksi, mie häyđyn kyssyyt: Pysättyykö tämä bussi lauttakaijala?
– No niin se oon meininki, jos se ei pysäty, se läiskättää joukon pahasti.
Vitsii kolme
– Äiti, saanko mie vähän lissää vettä?
– Mutta siehän olet saanu jo paljon vettä.
– Niin mutta minun nukkumaloma pallaa vielä.
Vitsii nelje
Mies tuli kauphaan ja alkoi kattelemhaan viideopellaajiita. Hän katteli ja katteli ja valitti kaikkiin tyyriimhän pellaajan. Myyjä tunsi miehen ja tiesi hänen tilan.
Myyjä kysyi:
– Kunka sinula oon varraa tähään?
– Oon minula rahhaa. Mie myin teeveen.
Vitsii viisi
Kaksi miestä juoksee pakhoon jalopeuraa. Het juosthaan hyvin hopusti ja het alethaan väsymhään. Toinen mies sannoo:
– Tämä ei kannatte, jalopeura sauttaa meiđät heti.
Toinen mies alkkaa juoksemhaan noppeemhin:
– En miekhään usko ette met pääsemä jalopeuraa pakhoon. Mutta mie toivon ette mie pääsen sinnuu pakhoon.
Vitsii kuusi
Sunnmöörinki oli kippee ja hän meni lääkin luokse.
– Oonko se vakavaa? Kunka kippee mie oikkeesti ole? hän kysyi.
Lääki vastasi:
– No jos mie sanon sen näin: Ko sie seuraavan kerran menet tankile ja täytät bensiinii sinun biilhiin, se oon piian nokko ette sie täytät puoli tankkii.
Vitsii seittemen
– Sie olet niin surulinen. Mitä oon tapattunnu?
– Kattos ko minun äiji kuoli viimi kuussa ja hän jätti minule melkkein miljoona kruunuu. Sitä ennen kuoli yksi täti Amerikassa ja hän jätti minule kaksi miljoonaa.
– No miksi sie olet surulinen?
– Ko tässä kuussa ei ole kukhaan kuolu.
