Harmaaja kummitus muuttuu ihmiseksi: – Tärkkein oon saaha esile kuvassa oleva ihminen, vanhoitten kuvviin restaureeraaja Per Ivar Somby sannoo. Kuvassa oon koutokeinolainen Inger Andersdatter Bæhr joka oli 26 vuotinen ko Sophus Tromholt valokuvasi hänen vuona 1883. Kuva: Arne Hauge
Henkkaako sinun tuvan seinälä kainulainen kummitusperet? Halluisitko heän poskile färrii?
Arne Hauge
arne@ruijan-kaiku.no
Fotokonstnääri Per Ivar Somby saattaa fiksata tämän. Hän oon oppinu färittämhään vanhoita valokuvvii.
Neljen vuuen aikana hän oon antanu uuen elämän monile 1800-luvun vanhoile etnograafisile kuvile. Oman teknikan avula hän oon saanu 140 vuotta vanhaat «harmaajat kummituskuvat» näyttämhään ko net olis kuvattu stuudiossa eilen.
Hän samala tulkkaa ja restaureeraa kuvvii ja vähän kans dokumenteeraa.
– Se oon tärkkee ette kuvassa oleva ihminen tullee esile. Se häyttyy tunttuut oikkeelta ja aiđolta, Somby sannoo.
Hän tekkee töitä privaatti-ihmisilleki. Hänen kuvvii löyttyy netistä ko sie hajet esimerkiksi «Colour My Past».
Kvensk oversettelse: Liisa Koivulehto
