Kvääninkielinen kuvaraito «Nils ja Magga» oon nyt myynissä kirjakaupoissa. Kuva: Liisa Koivulehto
– Tämä oon piian mailman ensimäinen kuvaraito missä muistelhaan siitä minkälaista oon kassuut kolmen kulttuurin keskelä, sannoo Wollmann.
Liisa Koivulehto
liisa@ruijan-kaiku.no
Tekstin oon kirjoittannu Terje T. Wollmann ja Kristoffer Karlsen oon tehny piirokset. Kainun institutti oon tehny kvääninkielisen käänöksen.
Kuvaraion päähenkilöt oon sisarukset Nils ja Magga. Het assuuvat isän ja äitin kans joukon kaukana koulusta ja kaveriista. Tässä ensimäisessä häftissä lasten vanhiimet lähteevät kauphaan ja eno tullee passaamhaan. Lapset tieraavat enon kans ja eno muistelee jännittäävän muisteluksen.
Wollmann sannoo ette hänelä oon aihheita monheen häftiin. Häfti tullee ulos hänen oman forlaakin (Vintereik forlag) kautta.
