Agnete Båtnes Braaten ja Øystein Fredriksen laulethiin kaunhiin uuđen duetin jonka Kristin Mellem oli säveltänny.
Iso spektaakkeli anttaa mainion mahđolisuuđen anttaat ulos uutta musikkii.
Liisa Koivulehto
liisa@ruijan-kaiku.no
Musikin päävasthuulinen oli Erling Fredriksson. Hän oli saanu kuurttoo Ruottista Kyläpelin musikkihommaa varten. Fredriksson teki aivan uuen Manalaislaulun ja Viinanmyyjitten laulun ja arrangeerasi koko esityksen musikin. Manalaislaulun tekstityössä oli kans Tove Raappana Reibo.
Kolmas uusi laulu jonka kuulthiin Kyläpelissä, oli Erkin ja Risten Annan rakhausduetti.
– Erling Fredriksson tilasi minulta tämmöisen laulun. Mie työtelin sen kans kesälä, Kristin Mellem muistelee.
Hän sannoo ette se oli hänele oikhein mieluinen työ. Hän kirjoitti teksthiin muutamppii kainun ja saamen frasii.
– Mie olin myötä Kyläpelissä viimi vuona ja sillä mie tunnen histoorian ja karaktäärit. Mie olen kans pelannu paljon Öysteinin kans ja tunnen hänen ja Agneten äänet. Meloodii häytyi soppiit karaktääriile ja heän äänile, se mennee sekä korkkeele ette alas, Mellem muistelee. Lise Brekmoe ja Ørjan Steinsvik tehthiin karaktääriroolit viinanmyyjiinä.
Se flere bilder fra årets Kyläpeli – Katton monta kuvat
Agnete Båtnes Braaten ja Øystein Fredriksen laulethiin kaunhiin uuđen duetin jonka Kristin Mellem oli säveltänny.
